Al-Infitar

جب آسمان پھٹ جائے گا۔

اور جب تارے بکھر جائیں گے۔

اور جب سمندرپھاڑ دیے جائیں گے۔

اور جب قبریں تلپٹ کردی جائیں گی۔

(اُس وقت) ہر جان جان لے گی کہ اس نے کیا آگے بھیجا اور کیا پیچھے چھوڑا۔

اے انسان ! تجھے کس چیز نے دھوکے میں ڈال دیا ہے اپنے ربّ کریم کے بارے میں۔

جس نے تمہیں تخلیق کیا پھر تمہارے نوک پلک سنوارے پھر تمہارے اندر اعتدال پیدا کیا۔

پھر جس شکل میں اس نے چاہا تجھے ترکیب دے دیا۔

ہرگز نہیں ! بلکہ اصل میں تم جزا و سزا کا انکار کر رہے ہو۔

حالانکہ تم پر نگران (فرشتے) مقرر ہیں۔

جو بڑے باعزت لکھنے والے ہیں۔

وہ جانتے ہیں جو کچھ تم کر رہے ہو۔

یقینا نیکوکار بندے نعمتوں میں ہوں گے۔

اور یقینا فاسق و فاجر جہنم میں ہوں گے۔

داخل ہوں گے اس میں جزا و سزا کے فیصلے کے دن۔

اور وہ اس سے کہیں غائب نہیں ہو سکیں گے۔

اور کیا تمہیں کچھ معلوم ہے کہ روز جزا کیا ہے ؟

پھر کیا تمہیں کچھ اندازہ ہوا ہے کہ روزجزا کیا ہے ؟

جس روز کسی جان کو کسی دوسری جان کے لیے کوئی اختیار حاصل نہیں ہوگا اور امر ُ کل کا کل اس دن اللہ ہی کے ہاتھ میں ہوگا۔