Al-'Adiyat

قسم ہے ان گھوڑوں کی جو دوڑتے ہیں ہانپتے ہوئے۔

پھر وہ ُ سم مار کر چنگاریاں نکالتے ہیں۔

پھر وہ علی الصبح غارت گری کرتے ہیں۔

پھر وہ اس سے گرد اڑاتے ہوئے جاتے ہیں۔

پھر اس کے ساتھ وہ (دشمن کی) جمعیت کے اندر گھس جاتے ہیں۔

یقیناانسان اپنے رب کا بہت ہی ناشکرا ہے۔

اور وہ خود اس پر گواہ ہے۔

اور وہ مال و دولت کی محبت میں بہت شدید ہے۔

تو کیا وہ اس وقت کو نہیں جانتا جب نکال لیا جائے گا وہ سب کچھ جو قبروں میں ہے۔

اور ظاہر کردیا جائے گا جو کچھ سینوں میں ہے۔

یقینا ان کا رب اس دن ان سے پوری طرح باخبر ہوگا۔